Хүүхдийн хоол үйлдвэрлэл, шим тэжээлийн сургалт арга зүйн үндэсний төв нь Монгол улсын Боловсролын яам болон Солонгосын олон улсын хамтын ажиллагааны КОЙКА байгууллагын хамтарсан "Монгол улсын ерөнхий боловсролын сургуулийн хоол үйлдвэрлэл, үйлчилгээний орчныг сайжруулах, чадавхыг бэхжүүлэх төсөл"-ийн хүрээнд 2024 оны 5 дугаар сарын 1-ний өдөр байгуулагдсан. Манай төв Бодлого төлөвлөлтийн, Сургалтын, Үйл ажиллагааны гэсэн үндсэн 3 нэгжтэй, 8 хүний бүрэлдэхүүнтэйгээр үйл ажиллагаагаа явуулж байна. 

Сургуулийн хоол үйлдвэрлэл, үйлчилгээг мэргэжлийн өндөр түвшинд удирдан зохион байгуулах чадвартай хоол зүйч, хүүхдийн нас биеийн онцлогт тохирсон шим тэжээллэг, эрүүл ахуйн шаардлага хангасан аюулгүй хоол хүнсээр хангах мэдлэг, ур чадвартай тогоочийг бэлтгэх, сургуулийн үдийн хоол үйлдвэрлэл, үйлчилгээний орчныг сайжруулах, улмаар сургуулийн хоол үйлдвэрлэл үйлчилгээний сэтгэл ханамжийг дээшлүүлэх замаар монголын ирээдүй болсон хүүхдүүдийн эрүүл мэндийг сайжруулах үндэс суурийг тавихад хувь нэмэр оруулах зорилгоор сэтгэл нэгдэн ажиллаж байна.